គណៈមូលបត្រខ្មែរត្រូវបានបើកអោយប្រើប្រាស់ជាលើកដំបូង

គណៈមូលបត្រកម្ពុជាត្រូវបានសម្ពោធបើកអោយប្រើប្រាស់​ជាលើកដំបូងនៅប្រទេសកម្ពុជា​កាលពីព្រឹកថ្ងៃទី​២៩​ខែមេសា​ឆ្នាំ២០០៩នេះ​នៅក្នុងរាជធានីភ្នំពេញ​ក្រោមអធិបតីភាព​របស់លោកឧបនាយករដ្ឋមន្រ្តី​គាត​ឈន់​រដ្ឋមន្រ្តីក្រសួង​សេដ្ឋកិច្ច​និង​ហិរញ្ញវត្ថុ​។

ជម្ងឺផ្ដាសាយជ្រូកវាយលុកខ្លាំង នៅម៉ិចស៊ីកូ

យុវនារីម៉ិចស៊ីកូពាក់ម៉ាស់ការពារពេលចេញក្រៅ
ទាហានការពារតាមផ្លូវ​និងអ្នកដំណើរពាក់ម៉ាស់ការពារនៅម៉ិចស៊ីកូ

កន្លែងលក់ម៉ាស់ត្រូវបានបញ្ជាទិញជាបន្តបន្ទាប់

ជំងឺគ្រុនផ្ដាសាយជ្រូកសម្លាប់មនុស្សចំនួនជាង១០០នាក់​នៅម៉ិចស៊ីកូ​និងជាង១៤០០នាក់​កំពុងផ្ទុកមេរោគ យោងតាមប្រភពព័ត៌មានបរទេសនានា​បានផ្សាយអោយដឹងថា​នៅថ្ងៃទី​២៧​មេសា​២០០៩​នេះ​មានមនុស្សជាង១០០នាក់​ហើយដែលបានស្លាប់ដោយជំងឺគ្រុនផ្ដាសាយជ្រូក​(Swine flu)​និងមនុស្សជាង១៤០០នាក់​កំពុងផ្ទុកមេរោគដ៏កាចសាហាវថ្មីនេះ។​បណ្ដាប្រទេសជាច្រើននៅ​លើពិភពលោកកំពុងតែមានការព្រួយបារម្ភ​យ៉ាងខ្លាំង​និងកំពុងចាត់វិធានការទប់ទល់។​ជំងឺផ្ដាសាយជ្រូកនេះធ្លាប់បានកើតម្ដង​នៅប្រទេសអេស្ប៉ាញ​ក្នុងឆ្នាំ១៩១៨​ដោយបានសម្លាប់​មនុស្សនៅលើពិភពលោកចំនួនជាង​៥០​លាននាក់។

តំបន់ប្រាសាទព្រះវិហារក្នុងស្ថានភាពប្រឈមមុខដាក់គ្នាខាងយោធា

កាលពីថ្ងៃទី០៧​ខែមេសា​ឆ្នាំ២០០៩​នេះ​ស្ថានភាពនៅតំបន់​ប្រាសាទព្រះវិហារ​មានសភាពក្ដៅគគុក​ហៀបនឹងផ្ទុះអាវុធសារជាថ្មីម្ដងទៀតទៅហើយ​ដោយមានការ​ប្រុងជើងការ​ត្រៀមប្រយុទ្ធ​ក្នុង១ថ្ងៃត្រៀម៣ទៅ៤ដងឯណោះ​។​

អ្នកស្រុកភៀសខ្លួនចេញពីតំបន់ជម្លោះ​ក្បែរប្រាសាទព្រះវិហារកំពុងជួបការលំបាកការប៉ះប្រយុទ្ធគ្នាមួយរយៈពេលខ្លី​រវាងទាហានខ្មែរ​និងទាហានសៀម​កាលពីថ្ងៃទី០៣​មេសា​កន្លងមកនេះ​បានបង្កឲ្យមានជនភៀសសឹកខាង​ខ្មែរដល់ទៅជាង​៣០០​គ្រួសារ​បានមកស្នាក់​នៅបណ្ដោះអាសន្នក្នុងភូមិស្រអែម​នៃឃុំកន្ទួត​ស្រុកជាំក្សាន្ត​ខេត្តព្រះវិហារ​កំពុងជួបបញ្ហា​ខ្វះស្បៀងអាហារ​លំនៅ​សម្លៀកបំពាក់​និងចានឆ្នាំងប្រើប្រាស់​បន្ទាប់ពីផ្ទះសំបែងរបស់ពួកគេ​ចំនួន​២៥០​ខ្នងត្រូវបានឆេះបំផ្លាញ​ក្នុងពេលប្រយុទ្ធគ្នារវាងទាហានខ្មែរ-សៀមមក​។​

ថ្ងៃទី០៧-មេសា-២០០៩

លទ្ធផលការចរចាររវាងគណៈកម្មាធិការចម្រុះព្រំដែនខ្មែរ-សៀម

គណៈកម្មាធិការចម្រុះព្រដែនខ្មែរ-សៀម​បានបញ្ចប់កិច្ចប្រជុំពិភាក្សាការងាររបស់ខ្លួន​រយៈពេល២ថ្ងៃ​កាលពីថ្ងៃទី០៧​ខែមេសា​ឆ្នាំ២០០៧​នេះ​ដោយគ្មានលទ្ធផលរីកចំរើនអ្វីទេ​ខណៈភាគី​សៀមនឹងយកសេចក្ដីរាយការណ៍ទាំងអស់នោះ​ទៅជូនសភាសៀម​ដើម្បីអនុម័តជាមុនសិន​។​ភាគីទាំងពីរនឹង​ចុះហត្ថលេខា​នៅវេលាម៉ោង​៥​ល្ងាចនេះ​លើកំណត់ហេតុ​កិច្ចប្រជុំ​ដែលមាន​០៥​ចំនុច​។​
អ្នកនាំពាក្យទីស្ដីការគណៈរដ្ឋមន្ត្រី​លោក​ផៃ​ស៊ីផាន​បានអោយដឹងថា​សម្ដេចនាយករដ្ឋមន្ត្រី​ហ៊ុន​សែន​នឹងជួបពិភាក្សាការងារព្រំដែន​ទ្វេភាគី​ជាមួយនាយករដ្ឋមន្ត្រីសៀម​អាប់ភីស៊ីត​ខណៈមេដឹកនាំទាំងពីរ​នឹងចូលរួមកិច្ចប្រជុំកំពូលអាស៊ានបូក៣​នៅប៉ាតាយ៉ា​។

សៀមទទួលស្គាល់ការងាប់របស់កងទ័ពខ្លួនក្នុងការផ្ទុះអាវុធ​កាលពីថ្ងៃទី​០៣​ខែមេសា​ឆ្នាំ២០០៩

គណៈកម្មាធិការព្រំដែនចម្រុះខ្មែរ-សៀមបើកកិច្ចប្រជុំ​កាលពីថ្ងៃទី​០៦​ខែមេសា​ឆ្នាំ២០០៩​នៅទីស្ដីការគណៈរដ្ឋមន្ត្រីនោះ​គណៈកម្មាធិការព្រំដែនសៀម​បានទទួលស្គាល់ថា​ការផ្ទុះអាវុធ​កាលពីថ្ងៃទី​០៣​ខែមេសា​ឆ្នាំ២០០៩​កន្លងមកនោះ​ទាហានសៀមបានងាប់ចំនួន​២២​នាក់​និងរបួស​២៧​នាក់​។​
......................................................................................
កាលពីថ្ងៃទី០៤​ខែមេសា​ឆ្នាំ២០០៩​សៀមបានបញ្ជូនរថក្រោះ​៦​គ្រឿង​រថពាសដែក​៤​គ្រឿង​និងទាហានកុម៉្មង់ដូ​១០០០​នាក់មកខ្សែត្រៀមជួរមុខ​។​
ភាគីកងទ័ពកម្ពុជាត្រៀមខ្លួនជាស្រេច​ស្វាគមន៍​។​
..........................................................................................

ព័ត៌មានទាន់ហេតុការណ៍ពីតំបន់ប្រាសាទព្រះវិហារ

តាមប្រភពព័ត៌មានចុងក្រោយពីតំបន់ប្រាសាទព្រះវិហារ​បានដឹងថាកាលពីវេលាម៉ោង​១២​និង​២០នាទី​ថ្ងៃទី​០៤​ខែមេសា​ថារហូតមកដល់ពេលនេះទាហានសៀម​បានស្លាប់ដល់​១៨នាក់ហើយ​និងរបួសជាច្រើននាក់ទៀត
....................................................................

តាមប្រភពព័ត៌មានពីតំបន់ប្រាសាទព្រះវិហារ​បានដឹងថា​ទាហានសៀមបានបញ្ជូនទាហាន​កុំម៉្មង់ដូពិសេសស​ប្រមាណជិត​១០០០នាក់​រួមជាមួយនឹងរថក្រោះ​៦​គ្រឿង​និងអូតូប្លង់ដេ​៤​គ្រឿង​(អាស្គត់)​មកកាន់តំបន់ព្រំដែន​ជិតប្រាសាទព្រះវិហាររបស់ខ្មែរ​។​

សម្ដេចនាយករដ្ឋមន្ត្រី​ហ៊ុន​សែន​ចាត់ទុកការផ្ទុះអាវុធនៅតំបន់ប្រាសាទព្រះវិហារ​ជាឧប្បត្តិហេតុ

សម្ដេចអគ្គមហាសេនាបតីតេជោ ហ៊ុន​សែន​នាយករដ្ឋមន្ត្រីនៃព្រះរាជាណាចក្រកម្ពុជា​កាលពីថ្ងៃទី៤​ខែមេសា​បានមានប្រសាសន៍​ដោយចាត់ទុកការផ្ទុះអាវុធនៅតំបន់ប្រាសាទ​ព្រះវិហារ​កាលពី​ថ្ងៃទី៣​ខែមេសា​ម្សិលមិញនេះ​ថាជា​ឧប្បត្តិហេតុ​មិនមែនសង្គ្រាមទេ​ហើយសម្ដេចអំពាវនាវ​សុំកុំអោយពង្រីកទំនាស់ទៅកន្លែងដទៃទៀត។​
សមេ្ដចតេជោ​ហ៊ុន​សែន​បានមានប្រសាសន៍ពីស្រុកឈូក​ខេត្តកំពត​ថា​"សភាពការណ៍​ផ្ទុះអាវុធ​កាលពីថ្ងៃទី៣​ខែមេសា​ម្សិលមិញ​មិនធ្ងន់ធ្ងរទេ​។​ថ្ងៃហ្នឹង​នឹងដាក់គ្នាបន្តិច​ក្រោយមកក៏និយាយរកគ្នា​កុំស្រោចសាំងទៅលើភ្លើងបន្ថែម"។
សម្ដេចបានបន្ថែមទៀតថា​នាយករដ្ឋមន្ត្រីថៃ​អាប់ភីស៊ីត​ពីទីក្រុងឡុងដ៍​និងអនុពង្ស​ផាវចិន្ដា​មេបញ្ជាការកងទ័ពថៃ​បានចាត់ទុកថា​វានៅជិតគ្នាពេក។​សម្ដេចបានបញ្ជាក់ទៀតថា​"ខ្ញុំមិនអោយ​សភាពការណ៍កើតឡើង​ពីមុនបាចភ្លើង​តែឥឡូវបាចត្រីងៀតដាក់គ្នាបានទេ។​ខ្ញុំចាត់ទុកថា​ជាឧប្បត្តិហេតុ​មិនមែនសង្គ្រាមទេ។​ខ្ញុំសូមជម្រាបថា​ទាហានខ្មែរកុំថា​ស្លាប់​ឬរបួស​សូម្បីតែរមាស់ស្បែកបន្តិចក៏គ្មានផង"។
សម្ដេចតេជោ​ហ៊ុន​សែន​បានមានប្រសាសន៍ទៀតថា​"ខ្ញុំមិនអោយសភាពការណ៍កើតឡើង​ដដែលៗទេ​ហើយកុំពង្រីកកន្លែងទំនាស់​ដទៃទៀត"។​សម្ដេចបានអោយដឹងទៀតថា​សម្ដេចទើបតែទទួលព័ត៌មានពីតំបន់ព្រះវិហារថា​ភាគីថៃសុំមកយកខ្មោចទាហាន​២​នាក់បន្ថែមទៀត។​សម្ដេចបានព្រមានថា​"សម្ដេចសុំកុំអោយ​រុលមកកន្លែងនឹង​វាមានមីន​សូម្បីតែខ្មែរមិនហានដើរផង។​ខ្មែរធ្លាប់បានរងរបួស​ដោយសារមីនរាប់រយនាក់នៅតំបន់ហ្នឹង​បើចង់ចូល​ត្រូវរង់ចាំអោយមានការដោះស្រាយ​បោសសំអាតមីនជាមុនសិន"។​សេចក្ដីរាយការណ៍​ពីតំបន់ប្រាសាទព្រះវិហារ​បានអោយដឹងថា​យ៉ាងតិចពី​១៣-១៥នាក់​នៃទាហានសៀមដែលបានស្លាប់​និងរងរបួសជាច្រើននាក់​ក្នុងការប្រយុទ្ធគ្នា​នៅថ្ងៃទី​៣​ខែមេសា​ម្សិលមិញនេះ​រវាងកងទ័ពខ្មែរ​និងកងទ័ពសៀម​ខណៈដែលកងទ័ពសៀម​បានរុលចូលក្នុងទឹកដីខ្មែរ​ក្បែរប្រាសាទព្រះវិហារ។

(ដកស្រង់ពីវេបសាយដើមអំពិល)

សេចក្ដីប្រកាសព័ត៌មាន

ចុចលើរូបដើម្បីមើលឃើញធំ

ព័ត៌មានអំពីប្រាសាទព្រះវិហារ​(០៣-មេសា-២០០៩)

ព័ត៌មានចុងក្រោយបានអោយដឹងថា​នៅចំណុចសំបុកឃ្មុំដែល ភាគីម្ខាងៗ​មានទហាន​៣០នាក់​ពុំមានការផ្ទុះអាវុធនោះទេ​ដោយទ័ពសៀមបាននិយាយថា​បើអ្នកណាបាញ់ក៏បាញ់ទៅ​យើងកុំបាញ់​។

ទាហានខ្មែរបានដឹកជញ្ជូនប្រជាពលរដ្ឋ​ពីលើប្រាសាទព្រះវិហារមកកាន់​កន្លែងសុវត្ថិភាពនៅខាងក្រោយជើងភ្នំប្រាសាទព្រះវិហារ​។​

កិច្ចប្រជុំគណៈកម្មការព្រំដែនកម្ពុជា-សៀមគ្រោងជួបប្រជុំគ្នានៅថ្ងៃទី​៦-៧​ខែមេសា​ឆ្នាំ​២០០៩​នៅភ្នំពេញ​។​

....................................................................

ម៉ោង​១៧.៤៦​០៣-មេសា-០៩នេះ​សេចក្ដីរាយការណ៍ព័ត៌មានអោយដឹងថា​ទាហានសៀមស្លាប់៤​នាក់​និងចាប់បាន​១០នាក់​ជាឈ្លើយសឹក​។​នេះជាការអះអាងរបស់លោក​ខៀវ​កាញារីទ្ធ​រដ្ឋមន្ត្រីក្រសួងព័ត៌មាន​និង​ជាអ្នកនាំពាក្យរដ្ឋាភិបាល​។​

នៅវេលាម៉ោង​១៦.៣២នាទី​នេះទាហានរបស់ខ្មែរ​មិនមានអ្នកស្លាប់​និងរបួសទេ។

នៅវេលាម៉ោង​៤រសៀលនេះឧទ្ធម្ភាកចក្រសៀមពីរគ្រឿង​ចុះយកទាហានសៀមដែលស្លាប់​និងរបួសជាច្រើន​ប៉ុន្តែមិនទាន់ដឹងចំនួនពិតប្រាកដ​។​ឧត្ដមសេនីយ៍​អនុពង្ស​ផាវចិន្តា​អគ្គមេបញ្ជាការយោធាសៀមបាននិយាយថា​ឧប្បត្តិហេតុរវាងភាគីទាំងពីរនេះគឺបណ្ដាលមកពី​ការយល់ច្រឡំនឹងគ្នា​មិនមែនមកពីរឿងនយោបាយនោះទេ​។​

លោកអនុពង្សបានបន្តទៀតថា​នាយករដ្ឋមន្ត្រីកម្ពុជា​បានទទួលយកនូវការពន្យល់​នៅពេលដែលលោកប្រាវិត​វង្សសុវ៉ាន់​រដ្ឋមន្ត្រីការពារប្រទេសសៀម​បានទូរស័ព្ទមកពន្យល់ដល់​សម្ដេចនាយករដ្ឋមន្ត្រី​ហ៊ុន​សែន​ថាមានទាហានសៀមមួយរូបបានចូលមកតំបន់​ក្នុងទឹកដីកម្ពុជាដើម្បីត្រួតពិនិត្យមើល​នៅពេលទាហានសៀមមួយរូប​ផ្សេងទៀត​ដែលបានចូលមកតំបន់មីន​ក្នុងដីកម្ពុជាកាលពីថ្ងៃព្រហស្បត្តិ៍​ហើយបានជាន់មីនរងរបួស​ខ្លួនឯងយ៉ាងទម្ងន់នោះ​។​

លោកឧត្ដមសេនីយ៍​អនុពង្ស​បានបញ្ជាក់ទៀតថា​ទង្វើរបស់យើងទាំងឡាយនៅក្នុង​តំបន់ជម្លោះដែលធ្វើឡើងនេះ​គឺមិនមែនជាគោលបំណងខឹងសម្បារនោះទេ​ដែលនេះគឺជាការយល់ច្រឡំគ្នា​រវាងទាហានថ្នាក់តូច​ដែលនៅប្រចាំការជួរមុខតាមព្រំដែននោះ​។​ហើយយើងចាត់ទុកថា​ស្ថានការណ៍នៅតាមព្រំដែនគឺមានសភាពធម្មតា​ហើយមិនគួរឆ្ពោះទៅរកការប៉ះទង្គិចគ្នាទៀតឡើយ​។​

ការប្រយុទ្ធគ្នានៅតំបន់ប្រាសាទព្រះវិហារបានផ្អាកហើយ​កាលពី៥នាទីមុននេះ​

ឥឡូវទាហានខ្មែរកំពុងតែកាន់កាប់ទីតាំងកាំភ្លើងយន្ត​១២ក្បៀសនៅក្បែរសំបុកឃ្មុំ
ទាហានខ្មែរយើងកំពុងតែមានប្រៀបខ្លាំងជាទីបំផុត​នៅសមរភូមិប្រយុទ្ធ​។​មេទ័ពសៀមប្រចាំនៅសមរភូមិនេះ​លើកទង់ជ័យសរ​សុំចរចារ​ជាមួយឧត្ដមសេនីយ៍​ស្រី​ឌឹក​មេទ័ពខ្មែរដ៏ខ្លាំងពូកែ​។​

ភាគីសៀមកំពុងតែសុំភាគីខ្មែរ​ចរចារមួយម៉ោងខាងមុខ.....​តែមិនទាន់មានចម្លើយពីភាគីខ្មែរ​។​
សភាពការណ៍នៅសមរភូមិព្រះវិហារខ្មែរកាន់កាប់ទាំងស្រុង​គ្រប់ចំណុចនៃសមរភូមិប្រយុទ្ធ​បន្ទាប់ពីទាហានសៀមរត់ចោលសមរភូមិប្រយុទ្ធ​។​

សង្គ្រាមរវាងប្រទេសកម្ពុជា​និងប្រទេសសៀម​បានផ្ទុះហើយ......​ចាប់ផ្ដើមចេញពីចំណុចនៅតំបន់ក្បែរប្រាសាទព្រះវិហារ​បន្ទាប់ពីការចរចារមិនត្រូវរ៉ូវគ្នា

នៅពេលឥឡូវនេះ​នៅតំបន់ប្រាសាទព្រះវិហារកំពុងតែបើកការបាញ់ប្រហារគ្នាជាទ្រង់ទ្រាយធំ.......

(ដកស្រង់ចេញពីវេបសាយដើមអំពិល)

កងទ័ពកម្ពុជានិងទ័ពសៀមផ្ទុះអាវុធមួយប្រាវនៅតំបន់ក្បែរប្រាសាទព្រះវិហារ

ប្រភពីភ្នាក់ងារព័ត៌មានបរទេសបានអោយដឹង
ថា កងទ័ពកម្ពុជានិងទាហានសៀមបានវាយ
ប្រយុទ្ធគ្នាមួយប្រាវនៅតំបន់ក្បែរប្រាសាទ
ព្រះវិហារកាលពីវេលាម៉ោង៧និង១០នាទីព្រឹកថ្ងៃសុក្រនេះ។
បើតាមពួកមន្ត្រីសៀមប្រាប់ទីភ្នាក់ងារសារព័ត៌មានAFP ថា​
ការប៉ះទង្គិចគ្នាដោយ អាវុធនោះបានកើតឡើង
នៅពេលព្រឹកព្រលឹមបន្ទាប់ពីកងទ័ពកម្ពុជាចូលទៅពិនិត្យ
កន្លែងដែលទាហានសៀមម្នាក់បានដើរជាន់មីនផ្ទុះដាច់ជើងកាលពីថ្ងៃព្រហស្បតិ៍​។​
អភិបាលខេត្តស៊ីសាកេតរបស់សៀមលោកសេនី ជីតតាកាសេមប្រាប់ភ្នាក់ងារ
សារព័ត៌មានAFP ថា ការផ្ទុះអាវុធដាក់គ្នាមួយប្រាវនោះបានកើត
ឡើងនៅម៉ោង៧និង១០នាទីនៅពេលដែលកងទ័ពកម្ពុជា
បានមកស៊ើបអង្កេតទីកន្លែងដែលទាហានសៀមដើរជាន់មីនកាលពី
ថ្ងៃម្សិលមិញ​។​
អភិបាលខេត្តសៀមរូបនេះនិយាយថា មិនទាន់មានរបាយការណ៍
ពីការខូចខាតខាងភាគីសៀមទេ​ហើយជម្លោះនេះបានបញ្ចប់
ហើយនៅពេលនេះ​។
ទាហានកម្ពុជាម្នាក់នៅតំបន់ដែលមានការប៉ះទង្គិចគ្នាឈ្មោះ
យឹម ឃាងនិយាយប្រាប់បណ្ដាញផ្សាយ​ព័ត៌មានបរទេសថា កងទ័ពកម្ពុជាបានបាញ់ទៅលើទាហានសៀមប្រមាណ៦០នាក់
បន្ទាប់ពីពួកគេបាន​ចូលមកក្នុងទឹកដីកម្ពុជា ហើយក៏បណ្ដាល អោយមានការបាញ់គ្នាទៅវិញទៅមកអស់រយៈពេលប្រហែល១០នាទី ។
ទាហានរូបនោះនិយាយថា កងទ័ពកម្ពុជាមិនមាននរណាម្នាក់រងរបួសទេ។
លោកយឹម​ឃាងនិយាយថា"យើងកំពុងតែស្ថិតក្នុងការប្រុងប្រយ័ត្ននិង
ត្រៀមប្រយុទ្ធគ្រប់ពេល។ប្រសិនបើទាហានសៀមមកទីនេះ កងទ័ពកម្ពុជា នឹងបាញ់ពួកគេដោយមិនចាំបាច់ប្រាប់អោយដឹងជាមុនឡើយ"។
យោងតាមAFPអោយដឹងថា ក្រសួងការបរទេសសៀមបាន
ចោទប្រកាន់ភ្លាមៗថា​កងទ័ពកម្ពុជាបាន រំលោភទៅលើ
អធិបតេយ្យភាពរបស់ខ្លួន​និងបាននិយាយថាខ្លួននឹងបញ្ជូន
លិខិតតវ៉ាមួយទៅកាន់ រដ្ឋាភិបាលកម្ពុជា។មិនទាន់មានប្រតិកម្ម ពីមន្ត្រីរដ្ឋាភិបាលកម្ពុជាតបទៅនឹងការចោទប្រកាន់របស់ក្រសួង​
ការបរទេសសៀមនៅឡើយទេ។